Memleket basshysy pravoslavıe shirkeýiniń ókilderimen kezdesti

NUR-SULTAN. QazAqparat – Qasym-Jomart Toqaev Máskeý Patrıarhatynyń Syrtqy shirkeýlik baılanystar departamentiniń tóraǵasy, Volokolamsk mıtropolıti Antonııdi, Qazan jáne Tatarstan mıtropolıti Kırılldi, Astana jáne Qazaqstan mıtropolıti Aleksandrdy qabyldady, dep habarlaıdy QazAqparat Aqordaǵa silteme jasap.

Kezdesý barysynda Memleket basshysy mıtropolıt Antonııdi jańa qyzmetke taǵaıyndalýymen quttyqtap, pravoslavıe dini Qazaqstan halqynyń birligi men yntymaǵyn nyǵaıtýda mańyzdy ról atqaratynyn atap ótti. Memleket basshysynyń aıtýynsha, pravoslavıe shirkeýi qoǵamda jalpy adamzattyq rýhanı-adamgershilik qundylyqtardy ósirýge jáne nasıhattaýǵa zor úles qosyp keledi. Qasym-Jomart Toqaev Qazaqstanda dástúrli dinderdiń, sonyń ishinde pravoslavıeniń damýyna barlyq jaǵdaı jasalyp jatqanyn atap ótti.

Kezdesý sońynda Qasym-Jomart Toqaev Máskeý jáne búkil Reseı Patrıarhy Kırıllge sezdiń negizgi maqsatyn ilgeriletýge jasaǵan kómegi úshin erekshe alǵysyn joldap, oǵan zor densaýlyq pen rýhanı kúsh-qýat tiledi.

Óz kezeginde pravoslavıe shirkeýiniń ókilderi Patrıarh Kırıldiń Memleket basshysyna izgi tilekterin jetkizdi, sondaı-aq onyń Qazaqstan bastamalaryn qoldaıtynyn málimdedi.

Foto: akorda.kz