Memleket basshysy PIK-ter jumysyn retke keltirýdi talap etti

ASTANA. QazAqparat - Búgin elordany odan ári damytý jónindegi keńeste Prezıdent Nursultan Nazarbaev páter ıeleri kooperatıvteri (PIK) jınaǵan qarjynyń tıimdi jumsalýy tetigin ázirleýdi tapsyrdy.

Memleket basshysynyń aıtýynsha, elordada 200 PIK jumys isteıdi jáne olardyń jumysyna óte kóp shaǵymdar túsip jatady.

«Maǵan jazǵan hattarda qala turǵyndary men ákimdikter osy kúnge deıin PIK-ter jumysyna yqpal ete almaı otyrǵandyǵy aıtylady»,-dep toqtaldy Elbasy.

Prezıdenttiń málimetterinshe, PIK-ter Astanada jyl saıyn 4 mlrd. teńge jınaıdy. Alaıda, úılerdiń shatyry men kireberisterin jóndeý máselesine kelgende, olarda qarjy jetispeı jatady.

Osyǵan baılanysty Elbasy Óńirlik damý mınıstrligine elordalyq ákimdikpen birlese turǵyndar qarjysyn tıimdi jumsaýdy qamtamasyz etetin tetikti ázirlep, PIK-terdi ózderiniń mindetterin oryndatýdy tapsyrdy.