Memleket basshysy Petropavldaǵy S.M. Kırov atyndaǵy zaýytta boldy
PETROPAVL. QazAqparat - Qasym-Jomart Toqaev S.M. Kırov atyndaǵy zaýytqa bardy, dep habarlaıdy Aqorda.
Memleket basshysy kásiporynnyń ónimderimen tanysyp, kópqabatty baspa taqtasyn shyǵaratyn jáne bólshekterdi qurastyratyn tsehtardy aralap kórdi. Prezıdentke kompanııanyń qazirgi jumystarynyń esebi berilip, kásiporynnyń tehnologııalyq turǵydan odan ári jańǵyrtylý jospary baıandaldy.
Kásiporyn dırektory Amangeldi Arǵynbaevtyń aıtýynsha, elimizde alǵash ret kópqabatty baspa taqtasyn óndirý isiniń jedel iske qosylýy álemdik standartqa sáıkes buıymdar shyǵarýǵa múmkindik beredi. Bul respýblıka ekonomıkasynyń túrli salalarynda qoldanylyp, keleshekte eksportqa shyǵarylatyn bolady.
500-den astam adam jumys isteıtin kásiporyn otandyq mashına jasaý salasynyń kóshbasshysy sanalady. Zaýyt temir jol, munaı-gaz, energetıka salalarynda paıdalaný úshin azamattyq jáne áskerı maqsatqa arnalǵan 100-den astam ónim túrin shyǵarady.
