Memleket basshysy Óskemendegi mys zaýytynda boldy
ÓSKEMEN. QazAqparat - Memleket basshysy Qasym-Jomart Toqaev Óskemendegi «Kaztsınk» JShS-na qarasty Mys zaýytyna baryp, elektrolız tsehynyń jumysymen tanysty, dep habarlaıdy QazAqparat tilshisi.
Kompanııa prezıdenti Nıkola Popovıchtiń aıtýynsha, atalmysh zaýyt «Kaztsınk» tarıhyndaǵy eń iri joba sanalady. 2011-2016 jyldar aralyǵynda onyń qurylysyna 970 mln dollar kóleminde ınvestıtsııa tartylǵan.
«Kelesi jyly Qaraǵandy oblysyndaǵy Jáırem ken ornyn ıgere bastaımyz. Ondaǵy kombınat Qazaqstan boıynsha eń iri myrysh óndirisi bolmaq. Al Shyǵys Qazaqstannyń Rıdder qalasynda Dolınnyı altyn-polımetall kenishi men Obrchýev polımetall kenishin ıgeremiz», - dedi Nıkola Popovıch.
Óndiris oshaǵyn aralap bolǵan soń Prezıdent zaýyt ujymymen kezdesti.
«Kaztsınk»a - Qazaqstan metallýrgııasynyń flagmany. 2000 jyly osy kásiporynǵa qarasty Maleev kenishin iske qosqanda Premer-mınıstr retinde kýá bolǵan edim. Al búgin Mys zaýytynyń jemisti jumys istep jatqanyn kórdim. Eńbekterińizge tabys tileımin», - dedi Qasym-Jomart Toqaev.
