Memleket basshysy «Ortalyq Azııa – Qytaı» sammıti aıasynda ózara tıimdi yntymaqtastyqtyń mańyzyn aıtty

SIANЬ. QazAqparat – Memleket basshysy Qasym-Jomart Toqaev kelesi «Ortalyq Azııa – Qytaı» sammıtin Qazaqstanda ótkizýdi usyndy, dep habarlaıdy QazAqparat.

Prezıdet búgingi jıyn barysynda aıtqan usynystary memleketterdiń qarym-qatynasy men yntymaqtastyǵyn nyǵaıtý baǵytyndaǵy Qazaqstannyń umtylysyn rastaıtynyn aıtty. Osy oraıda ózara tıimdi seriktestiktiń strategııalyq baǵytyn turaqty túrde jalǵastyrý mańyzdy.

Bul turǵyda Qasym-Jomart Toqaev sammıt kezinde jarııalanǵan usynystar Sıan deklaratsııasynda qamtylatynyna senim bildirdi.

«Qazaqstan «Ortalyq Azııa – Qytaı» hatshylyǵyn qurý ıdeıasyn qoldap otyr. Qytaı aýmaǵynda Hatshylyq jumysynyń bastalýyna qarsy emespiz, bul qısyndy bolar edi. Sonymen qatar, «Ortalyq Azııa-Qytaı» ekinshi sammıtin Qazaqstanda ótkizýge daıyn ekenimizdi aıtqymyz keledi», - dedi Memleket basshysy.

Budan buryn habarlanǵandaı, búgin Qazaqstan Prezıdenti «Ortalyq Azııa – Qytaı» sammıtine bardy.

«Ortalyq Azııa – Qytaı» sammıtine qatysýshylar Sıan deklaratsııasyna qol qoıdy.

Qasym-Jomart Toqaev «Qorǵas» halyqaralyq saýda ortalyǵynda Birlesken azyq-túlik habyn qurýdy usyndy.