Memleket basshysy Oral transformator zaýytynyń jumysymen tanysty
ORAL. QazAqparat - Qazaqstan Prezıdenti Qasym-Jomart Toqaev Batys Qazaqstan oblysyna sapary barysynda Oral transformator zaýytyna bardy, dep habarlaıdy QazAqparat Aqordaǵa silteme jasap.
Memleket basshysy Indýstrııaldyq-ınnovatsııalyq damý memlekettik baǵdarlamasy aıasynda iske qosylǵan Oral transformator zaýytynda boldy. Óndiris oshaǵy jylyna 10 myń dana transformator shyǵarýǵa qaýqarly.
200-ge jýyq adamdy jumyspen qamtyp otyrǵan óndiris orny jergilikti oqý oryndarymen yntymyqtasa jumys istep keledi. Tehnıkalyq mamandyqtar boıynsha dýaldy oqytý negizinde bilim alatyn stýdentter zaýytpen tyǵyz baılanys jasaıdy. 
Sonymen qatar, Memleket basshysyna óńirdegi jıhaz, azyq-túlik, qurylys jáne jeńil ónerkásip oryndarynyń jumystary tanystyryldy.
- «Qarapaıym zattar ekonomıkasy» baǵdarlamasyna kásipkerlerdi tartý arqyly ekonomıkany ártaraptandyrý jumystaryn jalǵastyrý kerek. Bul másele boıynsha Úkimet belsendi jumys isteýde. Jergilikti ákimdik te osy baǵdarlama arqyly óndiristerdi ulǵaıtýdy oılastyrýy qajet, - dedi Qasym-Jomart Toqaev.
