Memleket basshysy oqýlyq sapasynyń tómendigin synady

NUR-SULTAN. QazAqparat - Oqýshylardy sapaly oqýlyqtarmen qamtamasyz etý tıisti mınıstrliktiń tikeleı mindeti. Bul týraly búgin Qazaqstan halqyna Joldaýynda Memleket basshysy Qasym-Jomart Toqaev málim etti, dep habarlaıdy QazAqparat tilshisi.

«Taǵy bir ózekti másele - bul oqýlyq sapasynyń tómendigi. Oqýshylardy sapaly oqýlyqtarmen qamtamasyz etý tıisti mınıstrliktiń tikeleı mindeti. Muǵalimder men oqytýshylardyń áleýmettik jaǵdaıyn jaqsartpasaq, bul sharalar júzege asa qoımaıdy», - dedi Memleket basshysy.

Qazaqstan Prezıdenti sondyqtan Tamyz konferentsııasynda aldaǵy 4 jyl ishinde muǵalimderdiń eńbekaqysyn 2 ese arttyrýdy tapsyrǵanyn eske saldy.

«Bul kelesi jyldan bastap ustazdardyń jalaqysy 25 paıyzǵa ósedi degen sóz», - dedi Toqaev.