Memleket basshysy Nursultan Nazarbaev quqyq qorǵaý júıesine qatysty zań jobalary toptamalaryn qabyldaý qajettigin atap ótti

«Eki apta buryn men quqyq qorǵaý, sot júıesiniń tıimdiligin arttyrý týraly Jarlyqqa qol qoıdym. Bul qujattyń basty maqsaty elimizdegi qylmystyq saıasatty gýmanızatsııalaý, dekrımınalızatsııalaý» bolyp tabylady. Úkimet quqyq qorǵaý qyzmeti týraly, prokýratýra organdary týraly zań jobalaryn ázirleýdi aıaqtady. Bul zań jobalary jaqyn aralyqta Parlamentke usynylady. Bul baǵytta qoǵamdyq tártipti qamtamasyz etetin ishki ister organdarynyń zańdyq negizin kúsheıtý kerek», dedi N. Nazarbaev.

Sonymen birge Elbasy uıymdasqan qylmyspen kúreske qarsy zańnamany nyǵaıtýdy, onyń ishinde zańdy tulǵalarǵa qatysty jaýapkershilikti arttyrý qajettigin atap ótti. «Zańsyz jolmen alynǵan tabystardy zańdastyrýǵa, terrorızmdi qarjylandyrýǵa qarsy kúrestiń quqyqtyq normalaryn nyǵaıtý qajet. Qylmystyq jazany gýmanızatsııalaý máselesi de qamtylýy shart. Bul rette qylmystardy dekremınızatsııalaýǵa, ásirese qoǵamǵa úlken zalal keltirmeıtin ekonomıka salasyndaǵy qylmystarǵa asa mán berilýi kerek», dedi N. Nazarbaev.