Memleket basshysy Nursultan Nazarbaev «Qazaqstan» ortalyq kontsert zalynda ótken «Astana - mahabbatym meniń» atty qazaqstandyq-túrkııalyq 12 serııaly televızııalyq kórkem fılmniń tusaýkeserine qatysty

dep habarlaıdy QazAqparat QR Prezıdentiniń resmı saıtyna silteme jasap.

Tusaýkeser rásimin ashqan Mádenıet mınıstri Muhtar Qul-Muhammed Prezıdent Nursultan Nazarbaevtyń basshylyǵymen Qazaqstan ekonomıkalyq órleýge qol jetkizýiniń nátıjesinde osyndaı aýqymdy shyǵarmashylyq jobalardy júzege asyrý úshin múmkindikter týyp otyrǵanyna nazar aýdardy.

Kartınanyń rejısseri Ermek Shynarbaev fılmge túsken qazaq jáne túrik kınosynyń akterleri: Bahar Akcha, Ádil Ahmetov, Janna Qýanysheva, Gúlnar Dosmatova, Erman Býrmalı, Erdal Djındorýkti jáne ózgelerdi tanystyrdy.

Basty róldi somdaǵan túrik aktrısasy B.Akcha kınoǵa túsý barysynda óziniń ásem qala Astanamen, Qazaqstannyń tamasha adamdarymen tanysý baqytyna ıe bolǵanyn aıtty. Ásirese, Memleket basshysymen kezdesýi onyń jadynda saqtalyp qalypty.

- Bizde, Túrkııada Sizdi túrki áleminiń kóshbasshysy - qazaqtyń Atatúrki dep sanaıdy. Qupııalaý bolsa da bir jaǵymdy jańalyqty aıtqym keledi - taıaýda Túrkııada Sizge eskertkish ornatylady. Biz Sizdiń ózińizdi maqtaǵandy unatpaıtynyńyzdy bilemiz, alaıda bul Sizdi qadirleıtin jáne qurmet tutatyn barlyq túrikterdiń shyn júrekterinen shyǵyp otyr, - dedi Memleket basshysyna qarata aıtqan sózinde Bahar Akcha.