Memleket basshysy Nursultan Nazarbaev depýtattarǵa josparlaryn aıtatyn bolady

Búgin QR Parlamenti Palatalarynyń birlesken otyrysynda Májilis Tóraǵasy Qabıbolla Jaqypov osylaı málim etti. Aıta keteıik, besinshi saılanǵan QR Parlamentiniń besinshi sessııasynyń ashylýyna Senattan 47 depýtattan 44-i , Májilisten 107 depýtattan 104-i qatysty. «Búgin Parlamenttiń besinshi sessııasy óz jumysyn bastady. Kanıkýl kezinde jaqsy tynyǵyp, aımaqtardaǵy saılaýshylarmen kezdesip qaıtqan bolarsyzdar. Al endi qazirgi tańda bizdiń aldymyzda Elbasynyń tapsyrmalaryn oryndaý jónindegi orasan zor qaýyrt ári jaýapty jumys tur. Bul bizden qaı kezdegideı Parlamenttiń qos palatasy Májilis pen Senattyń úılesimdi, birlesken jáne uıymshyl jumysyn, árqaısymyzdan zor jaýapkershilik pen joǵary kásibılikti talap etedi. Elbasy memlekettik saparynan kelgennen keıin sizderge josparlaryn aıtatyn bolady. Osy jumysta barshańyzǵa sáttilik tileımin», - dedi Májilis Tóraǵasy. Esterińizge sala keteıik, Memleket basshysy Nursultan Nazarbaev memlekettik saparmen Qytaı Halyq Respýblıkasynda júr. «Osyǵan baılanysty «QR Parlamenti jáne onyń depýtattarynyń mártebesi týraly» konstıtýtsııalyq zańynyń altynshy babynyń besinshi tarmaǵyna sáıkes, maǵan Parlament Májilisiniń Tóraǵasy retinde Qazaqstan Respýblıkasy Prezıdentiniń bergen tapsyrmasy boıynsha besinshi saılanǵan QR Parlamentiniń besinshi sessııasyn ashyq dep jarııalaýǵa ruqsat etińizder», - dedi Q. Jaqypov.