Memleket basshysy N.Nazarbaev: Tarıhyn bilmegen ulttyń bolashaǵy bulyńǵyr
ASTANA-ULYTAÝ. QazAqparat - Tarıhyn bilmegen ulttyń bolashaǵy bulyńǵyr. Bul týraly búgin «Habar» telearnasyna eksklıýzıvti suhbat bergen QR Prezıdenti Nursultan Nazarbaev aıtty.
Memleket basshysynyń atap ótýinshe, qazaqtyń qaı qıyryna barsań da, qasıetti jerler kóptep kezdesedi. Máselen, shyǵysta - Berel qorǵany, ortalyqta - qazaq pen qalmaq soǵysqan Ańyraqaı, batysta - Altyn orda handary turǵan Saraıshyq, ońtústikte - Túrkistan syndy qasıetti jerler bar.
«Biz óz tarıhymyzdy jańadan ıgerip, bile bastaǵan elmiz. Qazaqtyń tarıhy óte úlken. Ony da bilýmiz kerek, qolǵa alyp júrmiz. Qazaqtyń tarıhy jyly jarııalandy», - dedi Memleket basshysy.
QR Prezıdentiniń atap ótýinshe, dúnıe júzinen, Qytaıdan, Irannan qazaq tarıhyna qatysty qundy jazba jádigerler jınalǵan.
«Tarıhyn bilmegen ulttyń bolashaǵy da múshkil bolýy múmkin. Mysaly, keremet úlken emenniń tamyry tereń bolmasa, ol daýylǵa shydap tura almaıdy. Sondyqtan tarıhymyzdy bilý úshin kóp nárse jasaýdamyz», - dedi Elbasy.
