Memleket basshysy Monǵolııanyń Tuńǵysh Prezıdenti Pýnsalmaagıın Ochırbatpen kezdesti
NUR-SULTAN. QazAqparat - Memleket basshysy Qasym-Jomart Toqaev Monǵolııanyń Tuńǵysh Prezıdenti Pýnsalmaagıın Ochırbatpen kezdesti, dep habarlaıdy Aqorda.
Kezdesý barysynda Qasym-Jomart Toqaev Qazaqstan men Monǵolııa arasyndaǵy jaqyn qarym-qatynasty jáne eki el halyqtarynyń tarıhı tamyry ortaq ekenin atap ótti.
«Bizdiń Monǵolııamen yntymaqtastyǵymyz jemisti damyp keledi, halyqaralyq uıymdar aıasynda birlesken jumystar júrgizilip jatyr. Agroónerkásiptik keshen men taý-ken óndirisi salalaryndaǵy jobalardy júzege asyrý jóninde elderimizdiń isker toptarynyń ózara ýaǵdalastyqtary bar», - dedi Memleket basshysy.
Pýnsalmaagıın Ochırbat Qasym-Jomart Toqaevty Qazaqstan Prezıdenti laýazymyna saılanýymen quttyqtap, onyń qyzmetine tabys tiledi.
