Memleket basshysy memorgandarǵa popýlıstik áreketterdi doǵarýdy tapsyrdy

NUR-SULTAN. QazAqparat – Baǵany tómendetýdi jeleý etken popýlıstik áreketterdi doǵarý qajet. QR Prezıdenti Qasym-Jomart Toqaev Qazaqstan halqyna Joldaýynda memlekettik organdarǵa osyndaı nusqaý berdi, dep habarlaıdy QazAqparat tilshisi.

«Búginde memlekettik organdar men kúsh qurylymdary bıznesti tekserip, baǵany tómendetýdi talap etýmen áýestenip ketken jaıttar jıilep ketti. Mundaı popýlıstik áreketterdi doǵarý qajet. Monopolııa tabysynyń shekteý qajettiligi men ınfraqurylymǵa ınvestıtsııany qamtamasyz etýdiń arasynda teńgerim saqtaý mańyzdy», - dedi Prezıdent.

Budan buryn habarlanǵandaı, Joldaýdyń negizgi bóligi elimizdiń áleýmettik-ekonomıkalyq damýyna arnalady.

Sondaı-aq, Prezıdent Úkimettiń jumysyn synady.