Memleket basshysy masany joıý jumystaryna nazar aýdartty
NUR-SULTAN. QazAqparat – Nur-Sultan qalasynyń ákimdiginde ótken elordany odan ary damytý máseleleri jónindegi májiliste Memleket basshysy Qasym-Jomart Toqaev jaz boıy turǵyndardyń mazasyn alatyn masany joıý jumystaryna nazar aýdartty, dep habarlaıdy QazAqparat tilshisi.
«Búkil jaz boıy qaptaǵan masa qala turǵyndary men qonaqtaryna qolaısyzdyq týdyrdy. Meniń bul taqyrypta sóz qozǵaǵanymnyń ózi yńǵaısyzdaý. Masalar keshe ushyp kelgen joq qoı. Bul josparly jumys bolýy tıis», - dedi Q.Toqaev.
Memleket basshysynyń dereginshe, masany ýlaýǵa bólingen 395 mln teńge qarajattyń tek 65 paıyzy ǵana ıgerilgen.
«Jumys der ýaqytynda, laıyqty úılestirýsiz júrgizilgen. Jaǵdaıdyń ereksheligi barynsha belgili. Biraq, maǵan jaǵdaıdyń jyldan jylǵa qaıtalanatyndyǵy túsiniksiz. Basqarýshylarymyz ben menedjerlerimiz qandaı ózi», - dedi QR Prezıdenti.
