Memleket basshysy Malaızııanyń Joǵarǵy bıleýshisine quttyqtaý jedelhatyn joldady

ASTANA. QazAqparat - Prezıdent Qasym-Jomart Toqaev Malaızııanyń Táýelsizdik kúnine oraı Memleket basshysy – Malaızııanyń Joǵarǵy bıleýshisi Sultan II Abdýllany quttyqtady, dep habarlaıdy QazAqparat.

«Qazaqstan men Malaızııany túrli saladaǵy ózara tıimdi yntymaqtastyqty damytýǵa baǵyttalǵan berik seriktestik qatynastar baılanystyrady. Eki eldiń múddesin kózdeıtin kópjaqty is-áreketterimizdi nyǵaıtý úshin jańa múmkindikterdi birlesip paıdalanýǵa daıyn ekenimdi bildiremin», – dep jazylǵan jedelhatta.

Prezıdent Qasym-Jomart Toqaev Joǵarǵy bıleýshiniń barlyq ıgi bastamalaryna tabys, al dostas Malaızııa halqyna baq-bereke tiledi.