Memleket basshysy: LRT qurylysyn aıaqtaýdyń naqty merzimin aıqyndaý kerek
NUR-SULTAN. QazAqparat - Astana LRT qurylysynyń birinshi kezeńin aıaqtaýdyń naqty merzimin aıqyndaý kerek. Bul týraly Nur-Sultan qalasynyń ákimdiginde ótip jatqan elordany odan ary damytý máseleleri jónindegi májiliste Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«LRT uzaqtyǵy 22,5 shaqyrmdy quraıdy, 18 stansa josparlanǵan. Tyńdańyzdarshy, sizder marafon jarysynda 22 shaqyrymnan da kóp júgiresizder. 18 stansa, demek joldyń bir bóligi bir shaqyrymnan sál ǵana asady. Biz jaıaý odan da kóp júremiz», - dedi Memleket basshysy.
Qazaqstan Prezıdenti mundaı jobanyń bastapqy kezden-aq maqsatqa saı bolmaǵandyǵyn atap ótti.
«Mundaı jobany qalaı júzege asyrýǵa ruqsat berilgendigin múldem túsinbeımin. Úkimet pen ákimdikke LRT birinshi kezeńin aıaqtaýdyń naqty merzimin, ekinshi kezeńin aıaqtaýdyń kestesi men tetikterin anyqtaýdy tapsyramyn. Amal joq», - dedi Q.Toqaev.
Eske salsaq, Prezıdent LRT qurylysyn jedeldetýdi tapsyrdy. Buǵan deıin LRT-nyń qurylysy ýaqytsha toqtatylǵany týraly habarlaǵan bolatynbyz.