Memleket basshysy QR Úkimetine zeınetke shyǵý qarsańyndaǵy áıelderdi áleýmettik qorǵaý sharalaryn qabyldaýdy tapsyrdy
ASTANA. 7 maýsym. QazAqparat - Qazaqstan Prezıdenti Nursultan Nazarbaev Úkimetke zeınetaqy júıesin jańartý jónindegi zań jobasy kúshine ener aldynda azamattardy áleýmettik qorǵaýdyń birqatar sharalaryn qolǵa alýdy tapsyrdy.
«Sonymen qatar jańa zańnama kúshine engenge deıin memleket azamattardy, ásirese zeınetke shyǵý qarsańyndaǵy áıelderdi áleýmettik qorǵaýdyń qosymsha sharalaryn alýy tıis. Ol úshin de ýaqyt kerek, sol úshin de osy zańdy júzege asyrýdy keıinge qaldyryp otyrmyz», dep atap kórsetti Prezıdent.
Osyǵan baılanysty Nursultan Nazarbaev Úkimetke myna bastamalardy zańnamalyq súıemeldeý sharalaryn pysyqtaýdy tapsyrdy.
Birinshiden,. Memleket basshysy bala týýy, bala kútimi demalysy kezinde jumys isteýshi áıelderdiń mindetti zeınetkerlik salymyna memleket esebinen qosymsha tólemaqy qamtamasyz etý qajet dep sanaıdy.
«Azamattardyń mindetti 10 protsent zeınetaqy shyǵysyna jumys berýshiniń mindetti shyǵarylymy esebinen qosymsha 5 protsent engizilsin», dep atap kórsetti Memleket basshysy.
Úshinshiden, Nursultan Nazarbaev mindetti kásibı zeınetaqy salymyn kezeń-kezeńmen taǵy da 5 protsentke kóbeıtýdi tapsyrdy.
«Bul jaıt aıryqsha jáne zııandy óndiristerde zeınetkerlikpen qamtamasyz etýdi jaqsartady», - dep qosty Memleket basshysy.
«Sondaı-aq Úkimetke 2030 jylǵa deıin zeınetkerlikpen qamtamasyz etý júıesin jańǵyrtýdy odan ári jalǵastyrý jóninde keshendi is-sharalar ázirleýdi tapsyramyn», - dep atap ótti Prezıdent.
«Parlamentti meniń ustanymymdy eskerýge shaqyramyn. Zeınetaqy reformasynyń kúrdeli máselesi boıynsha durys sheshimder tabylady dep men kámil senemin», - dep túıdi Prezıdent.
