Memleket basshysy QR Úkimetin ádil synǵa aldy - S.Ahmetov
ASTANA. 8 maýsym. QazAqparat - Búgin Úkimet úıinde QR Premer-Mınıstri Serik Ahmetov QR Prezıdentiniń 2013 jylǵy 7 maýsymdaǵy Úndeýinde aıtylǵan tapsyrmalaryn júzege asyrý máseleleri boıynsha keńes ótkizdi.
Bul týraly QR Premer-Mınıstriniń baspasóz qyzmeti habarlady.
S.Ahmetov atap ótkendeı, «Memleket basshysy zeınetaqy júıesin jańǵyrtý jónindegi zań jobasyn halyq arasynda túsindirý jumysyn ádiletti synǵa aldy».
Osyǵan baılanysty ol Mádenıet jáne aqparat mınıstrligi men Eńbek jáne halyqty áleýmettik qorǵaý mınıstrligine Memleket basshysy kórsetken eskertýlerdi eskere otyryp, zeınetaqy júıesin jańǵyrtý jónindegi keńeıtilgen túsindirý josparyn ázirleýge jáne eń aldymen halyq arasyndaǵy jumysty kúsheıtýdi tapsyrdy.
«Bizdiń aldymyzda zeınetaqy júıesin odan ári jetildirý jóninde úlken jumystar tur. Bul sala eldiń barlyq azamattaryna qatysty, sondyqtan da bizdiń is-qımylymyz, oılastyrylǵan jáne úılestirilgen bolýy tıis. Elimizdiń bolashaq zeınetaqymen qamtamasyz etý júıesiniń bolashaǵy tutastaı alǵanda osyǵan baılanysty», - dep málim etti S.Ahmetov.
Eske sala keteıik, 2013 jylǵy 7 maýsymda QR Prezıdenti Nursultan Nazarbaev zeınetaqy júıesin jańǵyrtý jóninde Qazaqstan halqyna Úndeý joldady. Memleket basshysy Úkimet zeınetaqy júıesin jańǵyrtý jónindegi qoǵamdyq pikirsaıysta zań jobasyn qorǵap qala almady, dep málimdedi.
