Memleket basshysy kótergen máseleler qazirgi jaǵdaı talaptaryna saı keledi – Aıdos Sarym
«Memleket basshysynyń málimdemesi qazirgi jaǵdaıǵa, ásirese karantındik jáne tótenshe jaǵdaılarǵa baılanysty talaptarǵa saı keledi. Kórip otyrǵanymyzdaı, bizdiń kóptegen mekemelerimiz koronavırýs sııaqty indetten saqtanýǵa daıyn emes. Sondyqtan bárin qolmen jasaýǵa týra keldi. Keshegi Ulttyq qoǵamdyq senim keńesinde Qasym-Jomart Toqaev bergen tapsyrma da, oǵan deıin aıtqany da tıisti strategııalyq qańqany qurý úshin qajet boldy. Bul sharalardyń barlyǵy jańa mindetterdi sheshýge arnalǵan», - deıdi saıasattanýshy.
Ol koronavırýstyń álemniń tynys-tirshiligin tejep, ádettegi ómir saltyn buzǵanyn aıtty.
«Biz bir ǵana vırýstyń álemdegi qımyl-qozǵalysty tejep, dástúrli ómir saltyn buzyp jibere alatynyna kóz jetkizdik. Endi medıtsınalyq ǵylymǵa barynsha den qoıýymyz kerek. Memleket basshysy bul týraly da aıtqan edi. Sondaı-aq, kadr daıyndaýmen aınalysý kerek. Pandemııa kezinde kórip otyrǵanymyzdaı, árbir memleket eń aldymen ózine, óziniń halqyna qamqor bolyp otyr. Ár memleket óz ekonomıkasyna jumys istep jatyr. Sondyqtan biz de ótken-ketkenimizdi baǵamdap, qazirgi ýaqytta bizge ne kerek, bes, on, otyz jyldan keıin bizdi ne kútip turýy múmkin ekenin túsinip alýymyz qajet. Saıasatymyzdy medıtsına jáne basqa da salalarǵa beıimdeýimiz kerek», - deıdi Aıdos Sarym.
