Memleket basshysy Qostanaıdaǵy sút fermasynyń jumysymen tanysty
NUR-SULTAN. QazAqparat - Memleket basshysy Qasym-Jomart Toqaev Qostanaı oblysyna sapary barysynda ósimdik jáne mal sharýashylyqtarymen aınalysatyn «Olja Sadchıkovskoe» jaýapkershiligi shekteýli seriktestiginiń óndiristik kórsetkishterimen tanysty. Bul týraly Aqordanyń resmı saıty habarlady.
Kásiporyn Qostanaı oblysynyń ishki qajettigin jáne elimizdiń ózge óńirlerin sút ónimderimen qamtamasyz etedi.
Qazaqstan Prezıdentine aýyl sharýashylyǵy ónimderin qaıta óńdeý barysynda analıtıkalyq jáne tsıfrlyq júıeniń qoldanylý múmkindikteri kórsetildi.
Sonymen qatar, Qasym-Jomart Toqaev oblystyń aýyl sharýashylyǵy ónimin óndirýshilermen áńgimelesti.
Memleket basshysy elimizdiń azyq-túlik qaýipsizdigin qamtamasyz etýge zor úles qosyp otyrǵan óńirdiń agrarlyq salasynyń damýyn joǵary baǵalady.
- Basqa oblystardaǵydaı munda da belgili bir máseleler bar. Biraq, Úkimettiń kómegimen bul problemalardy sheshý jumystary kúsheıtiledi. Al, jer máselesine keler bolsaq, kim jumys isteıdi, jer soǵan tıesili. Ekinshiden, jer sheteldikterge satylmaıdy. Bul meniń Prezıdent retinde túbegeıli ustanymym, - dedi Memleket basshysy.
Kezdesýge qatysýshylar aýyl sharýashylyǵy eńbekkerlerine memlekettik tarapynan kórsetilip jatqan qoldaý úshin Qasym-Jomart Toqaevqa alǵys aıtty.
