Memleket basshysy Qostanaıda avtoónerkásiptiń paıda bolý tarıhyn aıtyp berdi
Prezıdent eske alǵandaı, Qostanaıda keńestik kezeńde iri toqyma fabrıkasy salynǵan.
«Qostanaı oblysynda agrarlyq sektordan basqa eshteńe joq edi. Sodan keıin fabrıkanyń irgesi kóterildi. Fabrıkaǵa barsam búkil ujym áıelderden turady eken. Maǵan onda birde-bir er adamnyń joq ekenin aıtty. Biz qaıda baramyz sonda? Sonaý keńestik kezde KOKP bıýrosynyń múshesi Kırılenko ónerkásip máselesin kóterip júrgen bolatyn. Men Qazaqstanda ónerkásip salasy boıynsha hatshy edim. Kırılenkoǵa baryp: «Sizder Tolıattıde taǵy bir zaýyt salmaqsyzdar ma?», - dep suradym. Ol kezde bul zaýyt mazýt boıynsha qozǵaltqyshtardy óndiretin. Zaýytty Qazaqstanǵa berýdi suradym. Ol sheshti - zaýyt osynda irgesin kóterdi», - dedi Prezıdent «SaryarqaAvtoProm» zaýytynyń tarıhy týraly baıandaı kele.
Memleket basshysy odan ári daǵdarys kelip, KSRO qulaǵanyn eske aldy.
«Barlyq qabyrǵalary saý tur edi. Eshkim de ony qalaı iske jaratýdy bilmedi. Stanoktarǵa demontaj jasala bastady. Men sol zaýytty ne istese bolady dep oılaı beretinmin. Al qazir mundaı irgeli kásiporynnyń baryna qýanamyn», - dedi Nursultan Nazarbaev.
Eske salaıyq, búgin jumys saparymen Qostanaıǵa kelgen Elbasy Nursultan Nazarbaev birqatar nysandarda boldy . Atap aıtqanda, Prezıdent «Əýejaı» shaǵynaýdanynda memlekettik baǵdarlamamen salynyp jatqan turǵyn úı qurylysymen tanysty. Shaǵynaýdanda memlekettik-jekemenshik áriptestik aıasynda 900 oryndyq jalpy bilim beretin mektep, sondaı-aq sport jáne oıyn-saýyq kesheniniń qurylysy boı kóterýde.
Sondaı-aq N.Nazarbaev «SaryarqaAvtoProm» zaýytyna bardy. Búgin «SaryarqaAvtoProm» JShS usaqtúıindi óndiris boıynsha jańa tehnologııalyq ədisti iske qosty. Ədis «monokok» dep atalady. Prezıdentke Peugeot, JAC, Iveco jəne basqa da elektromobılder kórsetildi.
Sheteldik ınvestorlarmen, zaýyt qyzmetkerlerimen ótken kezdesýden keıin Elbasyna Qostanaı oblysynyń ınvestıtsııalyq əleýeti tanystyryldy.
