Memleket basshysy Qosshyǵa qala mártebesin berý týraly sheshimin túsindirdi
KÓKShETAÝ. QazAqparat - Memleket basshysy Qosshy aýylyna oblystyq mańyzy bar qala mártebesin berý týraly sheshimin túsindirdi, dep habarlaıdy QazAqparat.
«Jarlyqqa qol qoıyldy. Atalǵan qujatqa qol qoıylýyn jáne oblystyq mańyzy bar qala mártebesiniń berilýin kópshilik keńinen qoldap jatyr. Biraq, osy sheshimniń máni men mańyzyn tek oblys kóleminde ǵana emes, jalpy elimiz boıynsha halyqqa qosymsha túsindirý kerek. Bul sheshim, eń aldymen, Qosshy turǵyndarynyń ómirin jeńildetý maqsatynda qabyldandy. Onda qaǵaz boıynsha 40 myńǵa jýyq turǵyn ómir súredi. Shyn máninde, ol jerde 80 myń adam turady. Olar turmystyq máselelerimen oblys ortalyǵy Kókshetaýǵa barýǵa májbúr bolady. Oǵan kóp ýaqyt, kúsh jumsaıdy. Árıne, bul turǵyndardyń júıkesin juqartady. Sondyqtan qalanyń ákimshilik mártebesin ózgertetin osyndaı sheshim qabyldandy. Men muny durys sheshim dep esepteımin», – dedi Prezıdent Aqmola oblysyna jasaǵan jumys sapary barysynda.
