Memleket basshysy kórshi elderdi azyq-túlik qaýipsizdigi máselelerin berlesip sheshýge shaqyrdy
NUR-SULTAN. QazAqparat – QR Prezıdenti Qasym-Jomart Toqaev jahandyq jylyný úderisi, sý jáne azyq-túlik qaýipsizdigi, transshekaralyq sý resýrstaryn tıimdi paıdalaný sekildi asa mańyzdy máselerdi birlesip sheshý qajettigin aıtty, dep habarlaıdy QazAqparat tilshisi.
«Búginde barsha adamzat jahandyq jylyný úderisine alańdap otyr. Halyqaralyq qaýymdastyq osyǵan baılanysty shuǵyl sharalar qabyldaýǵa múddeli. Qazir sý jáne azyq-túlik qaýipsizdigin qamtamasyz etý – ózekti másele. Biz bıdaı egip, un óndiretin eń iri on eldiń sanatyna kiremiz. Jyl saıyn syrtqy naryqqa 7 mıllıon tonnaǵa deıin bıdaı shyǵaramyz», - dedi Memleket basshysy Túrki memleketteri uıymynyń sammıtinde.
Qazaqstan – Ortalyq Azııadaǵy astyq eksporttaıtyn birden-bir memleket.
«Alaıda, bizdiń elimizdegi bıdaı óniminiń azaıýyna jol bermeý úshin, sondaı-aq, búkil aımaqtyń azyq-túlik qaýipsizdigine qater tóndirmeý úshin transshekaralyq sý resýrstaryn tıimdi paıdalanýymyz kerek. Bul – óte mańyzdy mindet. Túptep kelgende, osyndaı sharalar bizdiń elderimizdiń ósip-órkendeýine tikeleı yqpal etedi. Sondyqtan, ózderińizben birlesip, gıdroqurylymdar salýǵa daıynbyz», - dedi Prezıdent.
Budan buryn habarlanǵandaı, «Túrkitildes memleketterdiń yntymaqtastyq keńesi» endi «Túrki memleketteri uıymy» dep ataldy.
