Memleket basshysy Konrad Adenaýer atyndaǵy qor ókili Tomas Helmdi qabyldady

NUR-SULTAN. QazAqparat. Memleket basshysy Qasym-Jomart Toqaev Konrad Adenaýer atyndaǵy qordyń Qazaqstandaǵy ókildiginiń dırektory Tomas Helmdi qabyldady, dep habarlaıdy Aqorda.

Kezdesýde Tomas Helm Memleket basshysyna Qordyń Qazaqstandaǵy qyzmetiniń negizgi baǵyttary, júzege asyryp jatqan jobalary men uıymnyń elimizben aradaǵy yntymaqtastyǵynyń perspektıvasy jaıynda aıtty.

Ókildik basshysy Qazaqstandaǵy tsıfrlandyrý, energetıka, dýaldi bilim berý, buqaralyq aqparat quraldary salalaryn damytýǵa, sondaı-aq, jergilikti ózin-ózi basqarý jumysyn jetildirýge qatysty óz oıymen bólisti.

Qasym-Jomart Toqaev Tomas Helmge óziniń jýyrda Germanııaǵa jasaǵan saparynyń nátıjeleri týraly aıtyp, Qazaqstannyń atalǵan elmen jan-jaqty yqpaldastyqty nyǵaıtýǵa basa mán beretinin atap ótti.