Memleket basshysy: Komandalyq aýysý tájirıbesi tyıyldy
ASTANA. QazAqparat - Komandalyq aýysý tájirıbesi tyıyldy. Búgin Parlamenttiń VI shaqyrylymynyń birinshi sessııasynyń ashylýyna arnalǵan QR Parlamenti palatalarynyń birlesken otyrysynda Elbasy Nursultan Nazarbaev osylaı dedi.
«Aǵymdaǵy jyldyń 1 qańtarynan Qazaqstan jańa quqyqtyq ınstıtýttyq orta jaǵdaıynda ómir súrýde. Ol 59 zań men 400-den astam zań aıasyndaǵy aktilerdiń qabyldanýymen qalyptasty. Keshegi jospar búgingi kúni shynaıylyqqa aınaldy», - dedi Elbasy.
QR Prezıdenti árbir qazaqstandyq úshin álemniń eń damyǵan elderindegi múmkinshiliktermen bara-bar jańa jaǵdaılar ashylatyndyǵyn atap ótti.
«Birinshiden, memlekettik apparat qandaı da bir kóleńkeli sharttar men artyqshylyqsyz merıtokratııa jaǵdaıynda jumys isteýge baǵyttaıtyn sharalar qabyldandy. Komandalyq aýysý tájirıbesi tyıyldy. Birinshi basshy aýysqan kezde onymen birge adamdardyń bir toby qosa aýysatyn edi. Eger ótken jyldyń úsh aıynda 1722 sheneýnik aýyssa, aǵymdaǵy jyly 90 adam aýysty», - dedi N.Nazarbaev.
