Memleket basshysy qolǵa alǵan bastamalar bolashaq urpaqtyń qamy - M.Altynbaev
ASTANA. 3 aqpan. QazAqparat /Aıdar Ospanalıev/ - «Búgingi Qazaqstan osydan 20 jyl burynǵy Qazaqstannan áldeqaıda jaqsy, damyǵan. Bul Elbasynyń eńbeginiń arqasy», - dedi búgin senator Muhtar Altynbaev Parlament Senatynyń jalpy otyrysynan soń jýrnalısterge bergen suhbatynda.
«Senat depýtattary retinde bizge Memleket basshysyna kim balama bola alady degen syńaıdaǵy saýaldardy kóp qoıady. Meniń pikirim, bizdi 20 jyl boıy basqaryp kele jatqan Memleket basshymyz bar. Nursultan Nazarbaev Prezıdent bolǵan jyldar aralyǵynda el ekonomıkasy órkendep, halyqtyń jaǵdaıy aıtarlyqtaı ońaldy. Búgingi Qazaqstan osydan 20 jyl burynǵy Qazaqstannan áldeqaıda damyǵan. Bul Elbasynyń memleketimizde júrgizip otyrǵan sarabdal saıasatynyń arqasy»,-dedi M.Altynbaev.
Onyń pikirinshe, Memleket basshysynyń keıingi jyldary bastamashy bolǵan baǵdarlamalar áli talaı urpaqqa azyq bolady. «Sondyqtan men Memleket basshysy tuǵyrynan taımasyn dep tiler edim. Onyń ústine keshe referendým máselesi kóterilgende ony 5 mıllıonnan astam halyq qoldady. Olar Prezıdent saılaýynda da Elbasymyzdy qoldaıdy degen oıdamyn jáne men qalyń kópshilikti Prezıdentti qoldaýǵa shaqyramyn»,-dedi senator.
