Memleket basshysy qol qoıǵan zańdarǵa qandaı túzetýler engizildi
Búgin Memleket basshysy birqatar mańyzdy zańdarǵa qol qoıdy.
Atap aıtqanda:
1) «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańyna;
2) «Qazaqstan Respýblıkasynyń keıbir zańnamalyq aktilerine saılaý máseleleri boıynsha ózgerister men tolyqtyrýlar engizý týraly» Zańǵa.
Tómendegi túzetýler engizildi:
Aýdandyq mańyzy bar qalalardyń, aýyldardyń, kentterdiń, aýyldyq okrýgterdiń ákimderiniń saılaýyn engizý: «Aýdandyq mańyzy bar qalanyń, aýyldyń, kenttiń, aýyldyq okrýgtiń ákimin tıisti ákimshilik-aýmaqtyq birliktiń halqy jalpyǵa birdeı, teń, tóte saılaý quqyǵy negizinde jasyryn daýys berý arqyly jıyrma bes jasqa tolǵan Qazaqstan Respýblıkasynyń azamattary qatarynan tórt jyl merzimge laýazymǵa saılaıdy».
Barlyq kandıdattarǵa qarsy daýys berý: «Saılaý bıýlletenine «Bárine qarsymyn» degen jol engiziledi;
Saılaýda saıası partııalardyń Májiliske ótý shegi 7 paıyzdan 5 paıyzǵa deıin tómendetildi.
3) «Qazaqstan Respýblıkasynyń keıbir zańnamalyq aktilerine Qazaqstan Respýblıkasynda banktik, mıkroqarjylyq jáne kollektorlyq qyzmetti retteý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańy.
Tómendegi túzetýler engizildi:
Kredıttik bıýrolarda kredıt tarıhtaryn saqtaý merzimin 10 jyldan 5 jylǵa deıin qysqartý: «Kredıttik bıýro kredıttik tarıh sýbektisine qatysty aqparattyń saqtalýyn ol týraly sońǵy aqparat alynǵan kúnnen keıin 5 jyl boıy qamtamasyz etedi».
Kollektorlarǵa bóten telefon nómirlerinen qońyraý shalýǵa tyıym salynady. Sondaı-aq olar boryshkerlermen kez kelgen ózara árekettesý protsessiniń beıne jáne aýdıo jazbasyn júrgizýge mindetteledi.
4) «2021-2023 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister men tolyqtyrýlar engizý týraly» Qazaqstan Respýblıkasynyń Zańy.
Tómendegi túzetýler engizildi:
2021-2025 jyldarǵa arnalǵan makroekonomıkalyq kórsetkishterdiń boljamyn naqtylaý maqsatynda ázirlendi;
Memleket basshysynyń Qazaqstan halqyna Joldaýynda belgilegen tapsyrmalardy, sondaı-aq, koronavırýs indetine qarsy kúres sharalaryn iske asyrýǵa baǵyttalǵan.
