Memleket basshysy: QHA barsha elimiz boıynsha qaıyrymdylyq aktsııalarynyń biriktirýshi ortalyǵy bolýy qajet

ASTANA. QazAqparat - QHA barsha elimiz boıynsha qaıyrymdylyq aktsııalarynyń biriktirýshi ortalyǵy bolýy qajet. Bul týraly búgin Astanada «Máńgilik El: bir el - bir taǵdyr» taqyrybymen ótip jatqan Qazaqstan halqy Assambleıasynyń HHІІ sessııasynda QHA Tóraǵasy, Elbasy Nursultan Nazarbaev málim etti.

Qazaqstan halqy Assambleıasy, mádenı birlestikter múmkindigi shekteýli jandarǵa, syrqattarǵa, balalar úılerine turaqty túrde kómek kórsetip kele jatqanyna toqtalǵan Elbasy: «Assambleıa tarıhy - bul bizdiń turaqtylyqtyń tarıhy, ol jaıynda biz árqashan este saqtaýymyz kerek jáne qasterleýimiz shart. Bul halyqtyń esteligi úshin, dostyq úshin, adamdardyń, bizdiń balalar men nemerelerimizdiń ózara túsinistigi úshin eń basty másele. Úkimet pen bıznestiń qoldaýymen Assambleıa barsha elimiz boıynsha qaıyrymdylyq aktsııalarynyń biriktirýshi ortalyǵy bolýy qajet»,-dedi.