Memleket basshysy: Keı óńirlerde vaktsına saqtaýdyń temperatýralyq rejımi buzylǵan
NUR-SULTAN. QazAqparat – Eldegi sanıtarlyq-epıdemıologııalyq ahýal jónindegi jumys keńesinde Prezıdent Qasym-Jomart Toqaev vaktsına saqtaý men tasymaldaýdyń tártibin qatań baqylaýdy júktedi, dep habarlaıdy QazAqparat Aqordanyń Twitter-degi paraqshasyna silteme jasap.
«Vaktsınalardy tasymaldaý men saqtaýdyń barlyq aspektilerin naqty qarastyrǵan jón. Ókinishke oraı, sońǵy derekter barlyq óńirler bul jumysty durys qurmaǵanyn kórsetedi», - degen Memleket basshysy vaktsına durys saqtalmasa, tıimdigi tómendeıtinin eskertti.
«Jekelegen óńirlerde vaktsınalardy saqtaýdyń temperatýralyq rejımin buzý faktileri anyqtaldy. Bul onyń áreketiniń tıimdiliginiń tómendeýine sebep boldy», - dedi Prezıdent.
Eske salsaq, Prezıdent Qasym-Jomart Toqaev elimizdegi sanıtarlyq-epıdemıologııalyq ahýal jóninde jumys keńesin ótkizip jatyr.
