Memleket basshysy «Qazfosfat» kásipornyna bardy
JAMBYL OBLYSY. QazAqparat - Qazaqstan Prezıdenti Qasym-Jomart Toqaev «Qazfosfat» jaýapkershiligi shekteýli seriktestigine bardy, dep habarlaıdy Aqorda.
Memleket basshysy Jambyl oblysyndaǵy jumys saparyn mıneraldy tyńaıtqysh óndiretin zaýytty aralaýdan bastady.
Qazaqstan Prezıdentine qysqa merzimde jyldyq qýaty 300 myń tonnadan 500 myń tonnaǵa deıin mıneraldy tyńaıtqysh shyǵaratyn tehnologııalyq júıeniń jumysy týraly málimet berildi. Sonymen qatar, óndiris ornynda jergilikti shıkizat paıdalanylatyny, Qarataý qalasynyń fosfat shıkizattary óńdeletini jóninde baıandaldy.
«Bul - hımııa ónerkásibinde, sonyń ishinde sary fosfor óndirýge mamandanǵan halyqaralyq deńgeıdegi jetekshi kásiporyn. Halyqaralyq naryqtarǵa óz taýarlaryńyzben shyǵýǵa osy artyqshylyqtaryńyz septigin tıgizedi. Básekelestikke qabilettilikti odan ári arttyrý qajet», - dedi Qasym-Jomart Toqaev.
***
1951 jyly salynǵan bul kásiporynnyń negizgi qyzmeti - hımııa ónerkásibi. Myńnan astam adamdy jumyspen qamtyp otyrǵan zaýytta ortasha jalaqy mólsheri - 148 myń teńgeden asady. Kásiporynnyń ónimderi Eýropalyq odaq elderine, AQSh, Qytaı, Japonııa jáne Birikken Arab Ámirlikterine eksporttalady.
Eske salsaq, buǵan deıin QR Prezıdenti jumys saparymen Jambyl oblysyna kelgendigi týraly habarlaǵan bolatynbyz.
Atalǵan óńirge sapar kezinde Memleket basshysy Jambyldaǵy týrıstik salaǵa qatysty tıisti tapsyrmalar bergen bolatyn.
