Memleket basshysy Qazaqstannyń jańadan taǵaıyndalǵan elshilerine tapsyrma berdi

Prezıdent Qazaqstannyń Ózbekstan Respýblıkasyndaǵy jańadan taǵaıyndalǵan elshisi Beıbit Atamqulovty qabyldady.

Memleket basshysy áńgimelesý barysynda eki el arasyndaǵy strategııalyq seriktestik pen odaqtastyq qatynastardy odan ári keńeıtip, tatý kórshilik baılanystardy nyǵaıtý mańyzdy ekenin atap ótti. Sonymen qatar buǵan deıin joǵary deńgeıde qol jetkizilgen ýaǵdalastyqtardy tıimdi júzege asyrý qajettigine nazar aýdardy.
Sondaı-aq Prezıdent Qazaqstannyń Aýstrııa Respýblıkasyndaǵy Tótenshe jáne Ókiletti elshisi, Qazaqstan Respýblıkasynyń Vena qalasyndaǵy halyqaralyq uıymdar janyndaǵy Turaqty ókili bolyp taǵaıyndalǵan Álibek Baqaevty qabyldady.
Kezdesýde Aýstrııamen jáne salalyq halyqaralyq uıymdarmen qarym-qatynastyń qarqynyn arttyryp, saýda-ekonomıkalyq jáne ınvestıtsııalyq yntymaqtastyqqa erekshe mán berý qajet ekeni aıtyldy.

Qasym-Jomart Toqaev Qazaqstannyń jańadan taǵaıyndalǵan elshilerine seriktes memlekettermen aradaǵy ekijaqty jáne kópjaqty formattaǵy qarym-qatynastardy odan ári nyǵaıtý jóninde birqatar naqty tapsyrma berdi.

Foto: akorda.kz