Memleket basshysy Qazaqstannyń BUU Bitimgerlik isine qosqan úlesi týraly aıtty

NЬıÝ-IORK. QazAqparat - Prezıdent Qasym-Jomart Toqaev Nıý-Iorktegi Birikken Ulttar Uıymynyń 74-i sessııasynda sóz sóılep, onda BUU Bitimgerlik isine Qazaqstannyń qosqan úlesi týraly aıtty, dep habarlaıdy QazAqparat tilshisi.

Memleket basshysy BUU Qaýipsizdik Keńesiniń ýaqytsha múshesi retinde Qazaqstan qaýipsizdikti kúsheıtý, ıadrolyq qarýdy taratpaý jáne aımaqtyq yntymaqtastyq baǵyttaryna basymdyq berip, elimizdiń beıbitshilikke shaqyryp otyrǵanyn atap ótti.

Qazaqstan Prezıdenti bul saladaǵy elimizdiń jetistikterine de toqtaldy. Máselen, Qazaqstan qazirgi ýaqytta úndistandyq áriptesterimen birge Lıvanda BUU-nyń ýaqytsha otrıadtaryn qurý arqyly bitimgerlik salasyna óz úlesin qosyp keledi.

«Órkenıetter men dinderdiń jahandyq ortalyǵyna aınalǵan Qazaqstanymyzben maqtanamyz. 2003 jyldan beri Qazaqstan Birikken Ulttar Uıymynyń qoldaýymen Álemdik jáne dástúrli din kóshbasshylarynyń sezin úsh jyl saıyn ótkizip keledi», - dedi Memleket basshysy.

Eske sala ketsek, buǵan deıin Qazaqstan Prezıdenti Qasym-Jomart Toqaev Nıý-Iorkte ótken BUU Bas Assambleıasynyń Jalpy debatynda sóz sóılegenin habarlaǵan bolatynbyz.

BUU Bas Assambleıasy aıasynda Qasym-Jomart Toqaev Bolgarııa Prezıdenti Rýmen Radevpen, Polsha Prezıdenti Andjeı Dýdamen, Grýzııa Prezıdenti Salome Zýrabıshvılımen, Ýkraına Prezıdenti Vladımır Zelenskıımen kezdesti.