Memleket basshysy qazaqstandyq qysqy Azıada-2011 júldegerlerimen kezdesti
ALMATY. 7 aqpan. QazAqparat /Danııar Sıhymbaev/ - Búgin Almaty qalasyndaǵy Qabyldaý úıinde QR Prezıdenti Nursultan Nazarbaev keshe Qazaqstan quramasynyń tolyqtaı jeńisimen aıaqtalǵan 7-Qysqy Azııa oıyndarynyń júldegerlerimen kezdesti.
Kezdesý barysynda Memleket basshysy 2011 jylǵy Aq Azıadadaǵy qazaqstandyq sportshylardyń jetistikterin atap ótip, olardy jalpy komandalyq esepte qol jetkizgen jeńisterimen quttyqtady. Óz kezeginde, Oıyn júldegerleri olardyń jeńisiniń eń aldymen búkil Qazaqstan men el Prezıdentiniń jeńisi ekenin atap ótti.
Eske sala ketsek, Qazaqstan altyn medaldar sany boıynsha qysqy Azııa oıyndarynda rekordqa qol jetkizdi. Qazaqstan quramasy 70 medalǵa ıe boldy, onyń ishinde 32 altyn, 21 kúmis pen 17 qola medal bar.
