Memleket basshysy Qazaqstandaǵy barlyq áskerılerge Táýelsizdik pen tynyshtyqty qorǵaý týraly úndeý jasady (FOTO)
ASTANA. QazAqparat - Búgin Astanadaǵy «Qazaq Eli» alańynda ótip jatqan Otan qorǵaýshy kúni men Uly Otan soǵysyndaǵy Jeńistiń 70 jyldyǵyna arnalǵan áskerı paradta sóz sóılegen QR Prezıdenti, QR Qarýly Kúshteriniń Joǵarǵy Bas
Qolbasshysy Nursultan Nazarbaev elimizdiń barlyq áskerı qyzmetkerlerine úndeý jasady. Sóz barysynda Memleket basshysy búgingi kúni elimizde bes halyqtyq reforma baǵdaryn júzege asyrý qolǵa alynǵanyn atap ótti. Prezıdenttiń aıtýynsha, bul reformalar keleshek urpaqqa ilgeri jyldardaǵy gúldenýdiń dańǵylyn qalyptastyrady. «Bul jol - álemniń eń damyǵan otyz eliniń joly. Bizdiń buǵan deıingi jetistikterimizdiń barlyǵy jańa asýlardy baǵyndyrýǵa yntalandyrady»,- dedi N. Nazarbaev.
«Biz jıyrma jyldyǵyn atap ótip jatqan Ata Zańymyzdaǵy alǵashqy sózder «Biz Qazaqstan halqy» dep bastalady. Bul kópultty halyq birliginiń baıandy formýlasy. Biz eń basty qundylyqtarymyzdy máńgilik saqtaýymyz kerek. Bular: Táýelsizdik, Beıbitshilik jáne qoǵamdaǵy Turaqtylyq. Barlyq memlekettik ınstıtýt pen árbir qazaqstandyqtyń paryzy osy qundylyqtardy qorǵaýda bolýy tıis. Ony qorǵaýshylardyń birinshi qatarynda bizdiń dańqty Qarýly Kúshterimiz tur. Joǵarǵy Bas Qolbasshy retinde men elimizdiń árbir áskerı qyzmetkerine úndeý jasaımyn. Sizderge joǵary mıssııa júkteledi. Ol Qazaqstannyń táýelsizdigin jáne bizdiń azamattarymyzdyń tynyshtyǵyn qorǵaý. Osynaý qasıetti boryshtaryńyzdy abyroımen atqaryńyzdar!», - dedi N. Nazarbaev.
