Memleket basshysy Qazaqstan Respýblıkasynyń Qylmystyq-protsestik kodeksine qol qoıdy
ASTANA. QazAqparat - Memleket basshysy Qazaqstan Respýblıkasynyń Qylmystyq-protsestik kodeksine qol qoıdy, ol qylmystyq sot óndirisi júıesin jańǵyrtýǵa jáne ony halyqaralyq standarttarǵa sáıkestendirýge baǵyttalǵan.
Bul týraly Aqordanyń baspasóz qyzmeti habarlady
Sondaı-aq, Memleket basshysy «Qazaqstan Respýblıkasynyń keıbir konstıtýtsııalyq zańdaryna qylmystyq-protsestik zańnamany jetildirý máseleleri boıynsha ózgerister engizý týraly» Qazaqstan Respýblıkasynyń Konstıtýtsııalyq zańyna qol qoıdy. Zań birqatar konstıtýtsııalyq zańdardy Qazaqstan Respýblıkasynyń jańa Qylmystyq-protsestik kodeksimen sáıkestendirýge baǵyttalǵan.
Sonymen qatar Memleket basshysy qol qoıǵan «Qazaqstan Respýblıkasynyń keıbir zańnamalyq aktilerine qylmystyq-protsestik zańnamany jetildirý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańy birqatar zańnamalyq aktilerdi Qazaqstan Respýblıkasynyń jańa Qylmystyq-protsestik kodeksimen sáıkestendirýge baǵyttalǵan.
Kodekstiń jáne zańdardyń mátinderi baspasózde jarııalanady.
