Memleket basshysy Qazaqstan men Ózbekstannyń olıgarhtaryn salystyrdy
Buǵan deıin Prezıdent Qazaqstandaǵy oqıǵalarǵa qatysty Eýroparlament qarary jóninde pikir bildirgen edi.
«Bul qarar (Eýroparlament qarary – red.) lobbısterdiń aıtýymen ázirlengen. Ol lobbıster kezinde Qazaqstanda qomaqty aqsha taýyp, keıin elden ketken óz adamdarymyzdyń tapsyrysymen jumys isteıdi. Qazir ol aqshany qandaı da bir narazylyqtardy uıymdastyrýǵa, adamdardy óshiktirýge, jaǵdaıdy barynsha qıyndatý prıntsıpimen jumys isteýge jumsap jatyr.
Óz sózinde Prezıdent Qazaqstan men Ózbekstannyń tabysty olıgarhtaryn salystyrdy.
«Osyǵan baılanysty Ózbekstannan tys jerde mol tabys tapqan baı adamdardy salystyrsaq, olar ózderiniń tarıhı otanyna kelip, Ózbekstan Prezıdentinen ózbek halqy úshin ne isteı alatyndaryn, qandaı kómek kórsetý keregin suraıdy: jeke qarajatyna aýrýhanalar turǵyzady, ınfraqurylym salyp beredi. Bul jerde ózbek baılary men shetelde nemese osynda óz eline shabýyl jasaıtyn bizdiń olıgarhtar arasynda úlken aıyrmashylyq bar», - dedi Q. Toqaev.
