Memleket basshysy Qazaqstan halqy Assambleıasynyń janynan «Aqsaqaldar alqasyn» qurýdy usyndy
ASTANA. Qazannyń 26-sy. QazAqparat /Ernur Aqanbaı/ - Qazaqstan halqy Assambleıasy hatshylyǵynyń úılestirýshi rolin kúsheıtip, Assambleıa janynan «Aqsaqaldar alqasyn» qurý qajet.
Bul týraly búgin Astanada ótip jatqan Qazaqstan halqy Assambleıasynyń 15-shi sessııasynda Elbasy Nursultan Nazarbaev aıtty, dep habarlaıdy QazAqparat.
Prezıdent Assambleıa janyndaǵy ǵylymı saraptamalyq keńes belsendi jumys isteý qajettigin atap kórsetti. «Etnıkaralyq qatynastar máselesinde qoldanbaly zertteýlerdi júrgizýshi ǵalymdarǵa arnap, granttar bekitý kerek. Qazaqstan halqy Assambleıasy Jastar Kongresimen kóp jumys isteýi tıis. Máselen, «Jastar Qazaqstan halqynyń birligi úshin» jalpy ulttyq forýmdy birlesip ótkizýi tıis», dedi Memleket basshysy.
Sonymen qatar, Prezıdent Úkimet pen oblys ákimderi deńgeıinde etnomádenı birlestikterdi memlekettik qoldaýdy keńeıtý týraly máseleni tereńirek pysyqtaý qajettigin atap kórsetti.
