Memleket basshysy Qazaqstan ekonomıkasyn damytýǵa sýyq klımattyń kesiri tıip otyrǵanyn aıtty
Qazaqstan ekonomıkasynyń qıyn klımattyq jaǵdaıda damyp jatqandyǵyn atap ótken Elbasynyń sózine qaraǵanda, Germanııadaǵy jyldyq ortasha aýa temperatýrasy Germanııada 20, Japonııada 16, AQSh-ta 15, Sıngapýrda 27, Malaızııada 28 gradýs jylylyqty quraıdy.
«Bizdiń ekonomıkamyz, ındýstrııamyz qurylatyn mańyzdy qalalarda, Astanada, Aqmola oblysynda, Soltústikte, Pavlodar men Qaraǵandyda jáne basqa qalalarda ortasha jyldyq temperatýra + 2,5 gradýsty quraıdy. Al, bul qalalalar qazaqstandyq taýardyń basym bóligi óndiriletin bizdiń basty ónerkásip ortalyqtarymyz. Sondyqtan bizdiń ekonomıkamyz kóp energııa shyǵynyn talap etedi, óıtkeni, tóńiregimiz energııa shyǵyny mol tabıǵat», - dedi Memleket basshysy.
Elbasynyń atap ótýinshe, álemniń úzdik 30 memleketine kiretin aýa raıy jyly elderde zaýyt salý úshin qural-jabdyq ornatyp, tipti karton qabyrǵa qoısa jetkilikti.
«Al biz kúrdeli ǵımarattar salyp, olardy sapaly, qymbat materıaldarmen qaptaımyz. Bizdiń barlyq qalalar men eldi mekender jylyna 7 aı boıy jylytylady. Buǵan qosa, adamdardyń jyly kıim satyp alýyna, úılerin jylytýyna, kalorııaly tamaq ishýlerine aqsha tóleý kerek qoı. Máselen, Kanadanyń ońtústik aýdandarynan eldiń soltústigine qonys aýdaratyn kanadalyqtardy batyrlar dep ataıdy. Eger osy salystyrýdy bizge telıtin bolsaq, onda bizde, Qazaqstanda 17 mln. batyr turady», - dedi QR Prezıdenti.
