Memleket basshysy Qazaq handyǵy týraly serıaldyń stsenarııine túzetýler engizdi
ASTANA. QazAqparat - Qazaq handyǵy týraly tarıhı serıaldyń avtorlary stsenarııdiń jańa nusqasyn jazdy. Bul týraly «QazAqparat» tilshisiniń resmı saýalyna QR Mádenıet jáne sport mınıstrliginen habarlandy.
«Qazaq Eli» tarıhı serıalynyń túsirilimi jaıynda aıtatyn bolsaq, qazirgi kezde Memleket basshysynyń túzetýlerin eskere otyryp, fılmniń avtorlary stsenarııdiń jańa nusqasyn qurdy. Jobanyń qoıylymy qıyn jáne ony júzege asyrý úshin aýqymdy jumystar atqarylatyn bolady»,-delingen mınıstrlik málimetinde.
Bul turǵyda dekoratsııalyq, pavılondyq, ıntererlik jáne ekstererlik nysandardy jasaý qarastyrylǵan. Onyń ishinde Syǵanaq, Sozaq qamaldaryn, Almalyq qalasyn, handardyń saraılary men ózge de túsirilim nysandaryn, kıimderdi tigý, qajetti buıymdar men at ábzelderin daıarlaý, qarý-jaraq, kompıýterlik grafıkany ázirleý jáne basqa da sharalardy iske asyrý jumystary bar.
Budan buryn Qazaqstan Prezıdenti Nursultan Nazarbaev «Qazaqfılm» kınostýdııasyna baryp, onda kınostýdııa qyzmetimen, onyń jańa jobalarymen jáne kınoóndiris úderisimen tanysty.
Aıta keteıik, «Qazaq Eli» týyndysynyń rejısseri - Rústem Ábdirashev.
