Memleket basshysy qaıta qalpyna keletin energııa kózderi tehnologııalaryn engizýge basymdyq berý máselesin qaıta kóterdi
Prezıdent óz sózinde búginde Germanııada tutynylatyn energııanyń 22 paıyzy qaıta qalpyna keltiriletin energııa kózderi arqyly óndiriletinin eskerip ótti.
«Al bizde bundaı kórsetkishter nól! Osy tektes qadamdar jalpy ekonomıkalyq qurylymnyń paradıgmasyn ózgertedi. Biz kún batareıasy, stansalary jaıynda aıtyp júrmiz. Ázirge, bul sóz júzinde ǵana. Birde bir qaýqarly stansa Qazaqstanda joq»,-dedi Elbasy.
Bul turǵyda Prezıdent Úkimet, mınıstrlikter, ákimder tıisti deńgeıde bul jumysqa kirispeı otyrǵandyǵyn eskertti. «Al osy jumystardy atqarýǵa tıistimiz. Bizge kómirmen janatyn jylý elektr stansalarymen jumys istemeýge, en dalaǵa osynsha kómir qyshqyl jáne kúkirtti gazdardy shyǵarmaýǵa (álemdik qoǵamdastyq) mindetteıtin bolady. Qazirden bastap osy jaıynda oılaý kerek»,-dep túıindedi Memleket basshysy.
