Memleket basshysy Qasym-Jomart Toqaev Vladımır Pýtınmen kezdesý ótkizdi

ASTANA. QazAqparat – Memleket basshysy Qasym-Jomart Toqaev Reseı Federatsııasyna jasaǵan jumys sapary aıasynda Reseı Prezıdenti Vladımır Pýtınmen kezdesý ótkizdi. Bul týraly Prezıdenttiń baspasóz hatshysy Rýslan Jeldibaı málim etti, dep habarlaıdy QazAqparat tilshisi.

Kezdesý barysynda Memleket basshysy Qasym-Jomart Toqaev Reseı Prezıdenti Vladımır Pýtınmen ekijaqty yntymaqtastyqtyń ózekti máselelerin talqylady.

Sondaı-aq, ózara qurmet pen eki el halyqtarynyń múddesine negizdelgen saýda-ekonomıkalyq, mádenı-gýmanıtarlyq baılanystardyń mańyzdy baǵyttary boıynsha seriktestikti odan ári damytý qajettigi atap ótildi.

Eske salaıyq, Búgin Memleket basshysy Jeńistiń 78 jyldyǵyna oraı Máskeýdegi Qyzyl alańda ótken áskerı paradqa bardy. Sondaı-aq, Belgisiz jaýynger beıitine gúl shoǵyn qoıý rásimine qatysty.