Memleket basshysy qaraǵandylyq sport ardagerine alǵys hat joldady
Oblys ákimi Ermaǵanbet Bólekpaev ardagerge Prezıdent atynan alǵys hat, saǵat jáne Býrabaıdaǵy demalys úıine joldama tabys etti. Dene shynyqtyrý jáne sport basqarmasy aqsaqaldy sporttyq qural-jabdyqtar sertıfıkatymen marapattady.
«Men keremet áser aldym. Shynymdy aıtsam, bizdiń Prezıdent qarapaıym adamdardyń ómirin baqylap otyrǵanyna tań qaldym. Meniń kóp jylǵy eńbegimdi Qasym-Jomart Toqaev baıqaǵany óte qýanyshty. Biz uldarymyzben birge búkil eldiń úmitin aqtaýǵa tyrysamyz», – dep bólisti Dáribaı Ospanov.
Qaraǵandy oblysyndaǵy Aǵadyr kentinde turatyn Ospanovtar otbasy týraly kópshilik biledi. Olar halyqaralyq arenada 31 ret jeńiske jetken. Jeńis ıeleriniń qurmetine Qazaqstan Respýblıkasynyń Ánurany 18 ret oryndaldy.
Qazaqstannyń birneshe dúrkin chempıony, paýerlıftıngten Azııa men álemniń eki dúrkin chempıony, Eńbek sińirgen jattyqtyrýshy Dáribaı Ospanov 1949 jyly temirjolshylar otbasynda dúnıege kelgen. Ol ata-anasynyń izin basyp, búkil ómirin temirjolǵa arnaǵan. Sportpen jas kezinen aınalysqan. Sońǵy 18 jyl paýerlıftıngke qatty qyzyǵýshylyq tanytqan. Ol óziniń alǵashqy jeńisin 2010 jyly Fılıppınde ótken Azııa chempıonatynda jeńip, salmaǵy 140 kg shtangany kótergen.
Dáribaı Ospanov úsh bala tárbıelep, olardyń barlyǵynda sportqa degen súıispenshiligin oıatqan. Kenje uly Qaramandy 13 jasynan bastap ózi jattyqtyrady. Nátıjesinde Qaraman QR eńbek sińirgen sport sheberi, paýerlıftıngten halyqaralyq dárejedegi sport sheberi atandy. Ol jarystarda óner kórsetip qana qoımaı, týǵan aýyly Aǵadyrda balalardy jattyqtyrady.
Úlken uly Almaz Ospanov – QR halyqaralyq dárejedegi sport sheberi, joǵary sanatty jattyqtyrýshy. Ortańǵy uly – Manas Ospanov sport sheberi boldy. Áýlettiń jastary da artta qalmaýda. Dáribaı Ospanovtyń nemeresi Aıtas – paýerlıftıngten saıystarǵa birneshe márte qatysqan, sport sheberi normatıvin oryndaǵan.
Dáribaı Ospanov munymen toqtap qalmaıtynyn aıtady. Ol aptasyna bes ret jattyǵýdy jalǵastyryp, uldarymen birge bıylǵy halyqaralyq jarystarda Qazaqstannyń namysyn qorǵaýǵa jınalýda.
«Qazan aıynda Mońǵolııadaǵy álem birinshiligine qatysýdy josparlap otyrmyz, al maýsym aıynda Úndistanǵa baramyz. Únemi daıyndalamyz. Sporttaǵy uzaq ómir súrýdiń basty qupııasy – jata bermeı, únemi dene shynyqtyrýmen aınalysý, jaqsy qan aınalymy úshin syrtta júgirý qajet. Sonymen qatar, aldymyzǵa maqsat qoıyp, olarǵa qol jetkizýimiz kerek. Meniń maqsatym – eńbek sińirgen sport sheberi ataǵyn alý jáne birneshe ret chempıon bolý», – deıdi sport ardageri.
Foto: Qaraǵandy oblysy ákimdiginiń baspasóz qyzmeti
