Memleket basshysy Qaraǵandy oblysynyń jetekshi sportshylarymen kezdesti
ASTANA. QazAqparat - Memleket basshysy Nursultan Nazarbaev Qaraǵandy oblysynda jumys saparynda júr. El Prezıdenti halyqaralyq eń joǵary standarttarǵa saı qyzmet kórsetetin jańa sport klýbynyń jumysymen tanysty, dep habarlady Aqordanyń baspasóz qyzmeti.
Keshendi aralaý barysynda Memleket basshysy Qaraǵandy oblysynyń tanymal sportshylarymen - Olımpıada oıyndarynyń jáne halyqaralyq jarystardyń júldegerleri men jeńimpazdary S.Sápıev, D.Karpov, A.Júsipov, A.Barmenov, S.Eleýov jáne basqalarymen kezdesti. Nursultan Nazarbaev salaýatty ómir saltyn ustanýdyń mańyzdylyǵyn atap ótti jáne jınalǵandardyń sportta joǵary nátıjelerge jetýine tilektestik bildirdi.
Sportshylar óz kezeginde Memleket basshysyna Qazaqstandaǵy sportty damytýǵa udaıy kóńil bólip otyrǵany úshin alǵys aıtty.
