Memleket basshysy qalalyq jolaýshylar tasymaly salasyn retteýdi tapsyrdy

NUR-SULTAN. QazAqparat – QR Prezıdenti Qasym-Jomart Toqaev Prezıdent qalalyq jolaýshylar tasymalyn retke keltirýdi tapsyrdy, dep habarlaıdy QazAqparat tilshisi.

«Úkimet qalalyq jolaýshylar tasymaly salasyn tártipke keltirýge mindetti. Bul óz kezeginde mańyzdy áleýmettik másele. Osyny oryndaýǵa eki aı merzim berilip otyr», - dedi Memleket basshysy Úkimettiń keńeıtilgen otyrysynda.

Budan buryn habarlanǵandaı, QR Prezıdenti Qasym-Jomart Toqaev Úkimetke Biryńǵaı baǵdarlamalyq qujatty ázirleýdi tapsyrdy.

«Aıqyn maqsattar, túsinikti mindetter, olardy tolyqtaı oryndaý – ekonomıkalyq ósimniń jańa sapasyn qamtamasyz etýge múmkindik beredi. Sondyqtan Biryńǵaı baǵdarlamalyq qujatty ázirleý qajet bolyp tur, ıaǵnı formasy boıynsha barynsha yqsham, mazmuny boıynsha tereń qujat. Bul turǵyda ortamerzimdi kezeńge Úkimettiń jumys josparyna qatysty bolyp otyr. Atalǵan qujat Úkimetpen, Prezıdent Ákimshiligimen, «Atameken» UKP-men 15 mamyrǵa qaraı daıyndalýy tıis», - dedi Memleket basshysy.