Memleket basshysy K. Másimovtiń kandıdatýrasyn QR Premer-Mınıstri laýazymyna usyndy
ASTANA. QazAqparat -Elbasy Nursultan Nazarbaev Parlament Májilisindegi fraktsııa basshylarymen kezdesti.
Bul týraly Aqordanyń baspasóz qyzmetinde habarlady.
Qazaqstan Prezıdentiniń laýazymyna kirisýine baılanysty el Úkimeti óz ókilettigin doǵardy, sondaı-aq Prezıdentke tikeleı baǵynystaǵy jáne oǵan esep beretin memlekettik organdar basshylary, Astana men Almaty qalalarynyń jáne oblystardyń ákimderi ókilettigin toqtatty.
Memleket basshysy el aldyna qoıylǵan mindetterdi júzege asyrý qajettiligin eskere otyryp, Úkimettiń bastalǵan jumysty jalǵastyrǵany jón ekenin atap ótti. Osyǵan baılanysty Qazaqstan Prezıdenti Premer-Mınıstr laýazymyna Kárim Másimovtiń kandıdatýrasyn usyna otyryp, Úkimet pen Parlamenttiń úılesimdi jumysynyń mańyzdy ekenin aıtty.
«Halyq kommýnısteri» depýtattyq fraktsııasynyń jetekshisi V.Kosarev bul sheshim jan-jaqty salmaqtalǵanyn ataı kele, qoldaý bildirdi.
Qazaqstannyń «Aq jol» demokratııalyq partııasy fraktsııasynyń basshysy A.Perýashev usynysty qoldap, K.Másimovtiń daǵdarysqa qarsy basqarý tájirıbesine nazar aýdardy.
«Nur Otan» fraktsııasynyń basshysy D.Nazarbaeva da usynysty qoldady jáne depýtattar men Úkimet arasynda qalyptasqan syndarly qarym-qatynas olardyń ózara is-qımylyna oń yqpal etetinin atap ótti.
