Memleket basshysy IT salasyndaǵy kemshilikter týraly aıtty
NUR-SULTAN. QazAqparat – Prezıdent Qasym-Jomart Toqaev azamattardyń karantındik rejimge aýysyp, mektepter men ýnıversıtetterde qashyqtan oqytýdyń engizilýimen ınternet júıesi syn saǵatta - beriktik synaǵyna tótep bere almaı qalǵanyn basa aıtty, dep habarlaıdy QazAqparat tilshisi.
«Úlken júıeli kemshilikter anyqtaldy. Bilim jáne ǵylym mınıstrligi amalsyz teledıdar arqyly sabaq berýge májbúr boldy. Jarnamasy jer jarǵan «E-Learning» júıesi istemeı qaldy. E-gov-ta úzilister baıqaldy. Vırýstyq kezeńnen keıingi kezeńde biz osy jaǵdaılardan sabaq alyp, esepterdi taldaýǵa daıyn bolýymyz kerek. Eń bastysy, shyn máninde tsıfrly memleket bolý úshin IT salasyn sapaly jańa deńgeıge shyǵarý josparyn daıyndaǵanymyz abzal. Kelesi jyl memleketimiz tıimdi tsıfrlandyrý nyshanymen ótýi kerek», - dedi Memleket basshysy Qasym-Jomart Toqaevtyń Tótenshe jaǵdaı rejımin qamtamasyz etý jónindegi memlekettik komıssııanyń otyrysynda.
Prezıdent jańa tájirıbeni eskere otyryp, «Tsıfrly Qazaqstan» memlekettik baǵdarlamasyn qosymsha qarjylyq shyǵyndarsyz qaıta qaraý qajettigin atap ótti.
«Biz densaýlyq saqtaý, bilim jáne ǵylymdy túbegeıli reformalaýymyz kerek. Joǵaryda aıtqanymdaı, daǵdarys jaqsy, óıtkeni ol barlyq kemshilikti ashyp berip, úlken múmkindikterdi de ala júredi. Biz olardyń artyqshylyǵyn paıdalanýymyz kerek. Reformalardy damytý jumystary qazirden bastalýy tıis», - dedi ol.
