Memleket basshysy: Investıtsııalyq jobalar boıynsha naqty ári túsinikti algorıtm kerek
Prezıdenttiń aıtýynsha, elimizde monopolııalarǵa jáne naryqqa kirý kezindegi jasandy kedergilerge qarsy bastalǵan kúres ınvestorlardyń el ekonomıkasyn ártaraptandyrýǵa qatysýyna múmkindik beredi.
«Qazirgi ýaqytta tartylǵan tikeleı sheteldik ınvestıtsııanyń shamamen 35 paıyzy taý-ken salasyna tıesili. Sonymen qatar agroónerkásip kesheni, týrızm, óńdeý jáne kólik ónerkásibi sııaqty básekege qabiletti salalardyń áleýetin iske asyrýda aıtarlyqtaı múmkindikterdi jiberip alyp jatyrmyz. Bul jerde Eýrazııalyq ekonomıkalyq odaq pen Qytaıdyń aýqymdy tutyný naryqtarynyń basymdyǵy anyq kórinedi. Osy salalardy damytýǵa belsendi atsalysýǵa shaqyramyn», – dedi Memleket basshysy.
Osy oraıda Prezıdent óziniń jýyrda Qytaıǵa jáne Reseı Federatsııasyna jasaǵan saparyna toqtaldy.
«Atalǵan memleketterdiń basshylarymen óte tabysty kelissózder júrgizildi. Olardyń bári negizinen saýda-ekonomıkalyq jáne ınvestıtsııalyq yntymaqtastyqty nyǵaıtýǵa baǵyttaldy. Kelisimderdiń perspektıvasy zor ekenin taǵy da qaıtalap aıtamyn», – dedi Prezıdent.
Sonymen qatar Memleket basshysy ınvestorlardyń nazaryn elimizdiń kólik-logıstıka salasyndaǵy áleýetine aýdaryp, Qytaı – Eýropa dálizi boıynsha qurlyq tranzıttik tasymaldyń 83 paıyzy Qazaqstan arqyly ótetinin atap ótti.
«Dostyq – Moıynty» asa aýqymdy temirjol jobasy júzege asyrylady. Bul ótkizý áleýetin 5 ese arttyrýǵa múmkindik beredi. «Darbaza – Maqtaral» jańa temirjol baǵyty Ortalyq Azııadan Reseıge, odan ári Eýropaǵa shyǵatyn tranzıttik tasymaldyń damýyna yqpal etedi. «Túrkistan – Shymkent – Tashkent» joǵary jyldamdyqty temirjol magıstralin salý josparlanyp otyr», – dedi Qasym-Jomart Toqaev.
Qazaqstan Prezıdenti energetıkalyq áleýetti arttyrýǵa, atap aıtqanda atom energetıkasyn, jasyl sýtegin, ekologııalyq, áleýmettik jáne korporatıvtik basqarý qaǵıdaty boıynsha tsıfrlandyrýdy damytý jónindegi ınvestıtsııalyq jobalardy júzege asyrýǵa toqtaldy.
Budan bólek Qasym-Jomart Toqaev kvazımemlekettik sektordy reformalaýdyń, sonyń ishinde memlekettik kásiporyndar men holdıngterdi jekeshelendirý jáne IPO-ǵa shyǵarý jumystaryn jalǵastyrýdyń mańyzdy ekenine nazar aýdardy. Sonymen qatar Memleket basshysy ınvestıtsııalyq jobalardy júzege asyrýdyń tıimdiligine qatysty máselege de toqtaldy.
«Búginde ınvestıtsııa tartýdyń barlyq satysynda formalızm men kelisimge kelýdiń uzaqqa sozylatyn ishki úderisteri áli de basymdyqqa ıe ekenin bilemiz. Sonyń saldarynan ınvestorlar qajetti sheshimdi aılap, jyldap kútip qalady. Osydan baryp olar ınvestıtsııalyq jobalardy keıinge qaldyrady nemese basqa elge ketedi. Halyqaralyq kelisimderdiń memlekettik organdardaǵy kabınetterde jatyp qalýyna, sondaı-aq kelisimderdi ratıfıkatsııalaý isiniń kóp jylǵa sozylyp ketýine qatysty mysaldar jetkilikti. Buryn solaı bolǵan, ol qazir de bar dep oılaımyn. Al mundaı kelisimderge ózge elderde bir-eki aıdyń ishinde qol qoıylady. Investıtsııalyq jobalar boıynsha naqty ári túsinikti algorıtm kerek. Keńeske Úkimetpen birlesip, atalǵan máseleni pysyqtaýdy tapsyramyn», – dedi Prezıdent.
