Memleket basshysy ınflıatsııany 4-6 paıyz dálizine qaıtarýdy júktedi

NUR-SULTAN. QazAqparat – Memleket basshysy Qasym-Jomart Toqaev óziniń Qazaqstan halqyna kezekti Joldaýynda Ulttyq bank pen Úkimetti ınflıatsııany 6-4 paıyz dálizine qaıtarýǵa mindettedi, dep habarlaıdy QazAqparat tilshisi.

«Biz ınflıatsııanyń baqylaýsyz ósimine tap keldik. Ulttyq bank, Úkimet ony álemdik tendentsııalarǵa siltep, ınflıatsııa aldynda dármensiz bolyp shyqty. Mundaı sıpattaǵy jeleýler ulttyq ekonomıkanyń qaýqarsyzdyǵyn kórsetedi. Taǵy bir suraq týyndaıdy. Sonda bizdiń kásibı ekonomısterdiń róli nede? Ulttyq bank pen Úkimettiń basty mindeti – ınflıatsııany 6-4 paıyz dálizine qaıtarý», - dedi QR Prezıdenti.

Sondaı-aq, ol Ulttyq qordyń aktıvterin qalpyna keltirý úshin bıýdjettik erejege kóshýdi jedeldetýdi tapsyrdy.

«Sońǵy kezde memlekettik shyǵys mindettemelerin jabý úshin bıýdjet tapshylyǵy men Ulttyq qordan alynatyn transferttiń artý tendentsııasy baıqalýda. Únemi mundaı jeńil jolmen júrý múmkin emes. Qarjylyq turaqtylyq qory sheksiz emes. Bıýdjettiń kirisin arttyrý boıynsha sharalar qajet ekeni anyq. Biraq birinshi kezekte memlekettik shyǵyndardyń kólemi men tıimdiligine baqylaý kerek. Ulttyq qor aktıvterin qalpyna keltirý úshin bıýdjettik erejeni engizýdi jedeldetý kerek. Tıisti zańnamalyq túzetýler jyldyń sońyna deıin qabyldanýy qajet», - dedi Prezıdent.