Memleket basshysy Іle-Alataýy ulttyq parkinde zańsyz berilgen jerlerdi qaıtarýdy júktedi
ALMATY. QazAqparat – Qazaqstan Prezıdenti Qasym-Jomart Toqaev Іle-Alataýy memlekettik ulttyq tabıǵı parkine zańsyz berilgen jerlerdi qaıtarýdy tapsyrdy, dep habarlaıdy QazAqparat tilshisi.
«Іle-Alataýy ulttyq parkiniń basshylyǵy jeke tulǵalarǵa jerdi zańsyz berýiniń, ýchaskelerdiń maqsatsyz qoldanylýynyń faktileri bar. Jeke tulǵalarǵa 20 gektardan astam 67 jer bóligi zańsyz berilgen. 58 jer teliminiń 24-i maqsatsyz paıdalanylǵan. Ekologııa, geologııa jáne tabıǵı resýrstar mınıstrligine ákimdikpen birge árbir faktiniń mán-jaıyn anyqtap, zańsyz berilgen jerlerdi qaıtarý boıynsha naqty sharalar qabyldaýdy tapsyramyn», - dedi Prezıdent Almatyny áleýmettik-ekonomıkalyq damytýǵa arnalǵan otyrysta.
Avtory Danııar Dáýitálıev
