13:21, 13 Qyrkúıek 2022 | GMT +6
Memleket basshysy Ierýsalım Patrıarhy III Feofılmen kezdesti
NUR-SULTAN. QazAqparat - QR Prezıdenti Qasym-Jomart Toqaev Ierýsalım Patrıarhy III Feofılmen kezdesti, dep habarlaıdy Aqorda.
Kezdesýde dinaralyq jáne konfessııaaralyq dıalogty ilgeriletý máseleleri talqylandy.
Memleket basshysy Patrıarhqa Álemdik jáne dástúrli dinder kóshbasshylarynyń VII seziniń jumysyna qatysqanyna jáne osy mańyzdy forýmnyń maqsat-mindetterin ilgeriletýde kórsetken qoldaýyna rızashylyǵyn bildirdi. Bul Patrıarhtyń Sezge úshinshi ret qatysýy.
Patrıarh beıbitshilik, kelisim jáne ózara qurmet syndy qundylyqtardy ilgeriletý úshin álem kóshbasshylary batyl sheshimder qabyldaýynyń mańyzdylyǵyna toqtaldy.
Qurmetti qonaq Sezd qorytyndysy álemde beıbitshilikti odan ári nyǵaıtýdyń naqty baǵdarlaryn ázirleýge yqpal etetinine senim bildirdi.
